دوایین وتەی جەنەراڵی پایز چی بوو؟

دوایین وتەی جەنەراڵی پایز چی بوو؟
مەوداپرێس- 

هاوڕێیەكی نزیكی محەمەد عومەر عوسمان ناسراو بە ژەنەراڵی پایز دوایین وتەی خۆی  لەگەڵ ئەو شاعیرە باسدەكات كە بەگوێرەی نامەیەك ئەو شاعیرە تەندروستی خراپبووە. 

عەدنان ساڵەیی ، توێژەر و مامۆستا لەئەكاونتی خۆی وێنەیەكی خۆی لەگەڵ ئاڵوگۆڕكردنی نامەیەكی لەگەڵ محەمەد عومەر عوسمان بڵاوكردووەتەوە. 

بەگوێرەی نوسینەكەی عەدنان ساڵەیی كە نوسوییەتی، لێکۆڵینەوەیەکم،لەژێرچاپدایە لەچاپخانەی چوارچرا،بەناوی شیعرەکانی ژەنەراڵی پایز،خوێندنەوەیەکی دەروونشیکاری.


هەروەها نوسیویەتی "چەند ڕۆژێکی تر،چاپ دەبێت، پێرێ بەتەلەفۆن لەگەڵ کاکە حەمە قسەمان زۆرکرد،وتی حەزەکەم بێیت بۆلام وتم مناڵەکان و دایکیانم لەگەڵە. 

هەروەها لەدرێژەی گێرانەوەكانی ئەو هاوڕێیەی ژەنەراڵی پایز نوسیویەتی"  وتوومە جارێ تر دێم بۆلات.وتی باشە چاوەڕێتم.وتی ئومێدم پێتەو لێکۆڵینەوەکەت کە لەسەر منە زۆرم بەدڵە،بەڵام حەزەکەم کەسێ تر قسەی لەسەربکات".
ئاماژەی بەوەشداوە، وەک کۆتا یادگاری وێنەیەکمان لەبەردەم ماڵی خۆیان گرت.کە گەڕامەوە چەمچەماڵ تەلفونی زۆربۆکردبووم ئاگام لێنەبوو.هەردڵی لام ببوو دوونامەی بۆناردم.

 لەنامەكەی ژەنەراڵی پایز  هاتووە" سڵاو مامۆستا ببورە چەندین رۆژە بەڕێی  دكتۆرەوەین و تەندروستیم باش نیە بەهیوای  دیدار".

ئەوەش دوای ئەوەدێت، ئێوارەی ئەمڕۆ پۆلیسی سلێمانی رایگەیاند، محەمەد عومەر عوسمان شاعیری ناسراوی كورد تەرمەكەی لەماڵەكەی خۆی دۆزراوەتەوە. 



PM:10:29:22/10/2019