کۆمکاری عەرەبی لەبارەی هێرشەکەی تورکیا بۆ سەر رۆژئاوای كوردستان کۆدەبێتەوە

کۆمکاری عەرەبی لەبارەی هێرشەکەی تورکیا بۆ سەر رۆژئاوای كوردستان کۆدەبێتەوە
مەوداپرێس-

بڕیارە ئەمڕۆ شەممە12ی تشرینی یەكەمی 2019  لەسەر داوای حكومەتی میسر و لەسەر دۆخی باكوری سوریا و هێرشەكانی توركیا بۆسەر رۆژئاوای كوردستان  كۆمكاری وڵاتانی عەرەبی كۆدەبێتەوە.

میدیا عەرەبییەکان بڵاویان کردەوە، كۆبونەوەكەی کۆمکاری عەرەبی  لەسەر ئاستی وەزیرانی دەرەوەی وڵاتانی عەرەبیە هەڵوێستی خۆی رابگەیەنێت لەسەر ئەو دۆخەی لەسوریا هاتووەتە ئاراوە.

ئەوەش لەكاتێكدایە، ڕۆژی چوارشەممەی ڕابردوو کاتژمێر ٤:٢٠  ئەرۆدغان دەستپێكردنی هێرشەكانی بۆ سەر ڕۆژئاوای کوردستان راگەیاند و لە یەکەم قۆناغدا بە بۆردوومانی چەند ناوچەیەک دەستیپێکرد و پاشان دەستی بە هێرشی زەمنیی کرد.

تا ئێستا چەندین وڵاتی جیهان هێرشکەی سەر ڕۆژئاوایان ئیدانە کردووە و بە کارێکی دژ بە مرۆڤایەتی ناویان بردووە.

هێزەکانی سوریای دیموکرات بەردەوامن کە بەرگریکردن لە خاکی ڕۆژئاوا و تا ئێستا چەندین ڕووبەڕووبوونەوەیان لەگەڵ سوپای تورکیا ئەنجامداوە.


PM:02:01:12/10/2019