ئەردۆغان هەڕەشە لە ئەمریكا و هەسەدە دەكات

ئەردۆغان هەڕەشە لە ئەمریكا و هەسەدە دەكات
مەوداپرێس-

سەرۆککۆماری تورکیا رایگەیاند، ئۆپەراسیۆنی زەمینی و ئاسمانی بۆ سەر رۆژهەڵاتی فورات دەستپێدەکەن.

ئاژانسی ئەنادۆڵ-ی فەرمی تورکیا بڵاویکردەوە، رەجەب تەیب ئەردۆغان، لە کۆنگرەیەكی رۆژنامەوانیدا ئەمڕۆ شەممە 5ی تشرینی یەكەمی 2019 رایگەیاندووە، ئامادەکارییەکانمان بۆ ئۆپەراسیۆنی فورات تەواو کردوە و رێنمایی تایبەتیمان لەوبارەیەوە دەرکردوە.

هەروەها ئەردۆغان ئاماژەی بەوەشکردووە، ئۆپراسیۆنەکە بەم زوانە "ئەمڕۆ یان سبەی" دەستپێدەکات و ئەوان لە بە هێزی وشکانی و ئاسمانی بەرنامەکەیان بۆ سەر رۆژهەڵاتی فورات جێبەجێدەکەن.

باسی لەوەشكردووە، ئەو قسانە کۆتاییهات کە بەڕوماندا دەکران و یارییان بە کات دەکرد و بە قسەی دبلۆماسیانە دەیان وت وڵاتەکەمان لە رێکخراوێکی تیرۆرستی دورە، ئارامیمان کۆتایی هاتوە و خاڵی چاودێری لە ناوچەی ئارام تەنها قسەیە".

سەرۆك كۆماری توركیا بە هاوپەیمانی دەڵێت، "بۆمان رونبکەنەوە ئایا پەکەکە و یەپەگە کە ئێوە دەتانەوێت لە ژێر ناوی هەسەدە دایانپۆشن رێکخراوی تیرۆرستین یان نا؟".



PM:01:04:05/10/2019