سکاڵا لەسەر دوو گۆرانیبێژ تۆماركرا

سکاڵا لەسەر دوو گۆرانیبێژ تۆماركرا
مەوداپرێس- ژیلا ئارام

لە دادگای بەرایی سلێمانی سکاڵا لەسەر هەردوو هونەرمەند خالید رەشید و هەڵوێست محەمەد تۆمارکرا.

سەرلەبەیانی ئەمڕۆ سێشەممە 17/09/2019 پارێزەری راوێژكار رێبوار ئەمین محەمەد، وەک بریکاری شاعیر "ئامانج تاریق ساڵەیی" لەدادگای بەرایی سلێمانی، سکاڵای لەسەر هەردوو هونەرمەند "خالید رەشید و هەڵوێست محەمەد" تۆمارکرد.

 بەتۆمەتی زیانگەیاندن بەمافی دانەر سکاڵایان  لە سەر ئەو دوو هونەرمەندە تۆمارکردووە، سكاڵاكە سکاڵاکە لەسەر گۆرانیی (خۆشمدەوێی ئەزانی) هونەرمەند خالید رەشید  و گۆرانیی (هەتا پایز)ی هەڵوێست محەمەد بووە، کە ئەو دوو گۆرانیبێژە بەبێ پرس و مۆڵەت وەرگرتن تێکستی شاعیر (ئامانج تاریق ساڵەیی)یان کردووە بەگۆرانیی، ھەروەھا بڕی 200 ملیۆن لە خالید رەشید و 150 ملیۆن دینار لە ھەڵوێست وەردەگیرێت.




PM:05:32:17/09/2019