موراد قەرەیلان رەخنە لەهەدەپە دەگرێت

موراد قەرەیلان رەخنە لەهەدەپە دەگرێت
مەوداپرێس-

موراد قەرەیلان، رەخنە لە پارتی دیموكراتی گەلان (هەدەپە) دەگرێت بەوەی پشتگیری شەڕی خەندەقەكانی نەكرد و پشتی لە گەریلاكانی پەكەكە كرد.

موراد قەرەیلان، ئەندامی دەستەی بەڕێوەبردنی پەكەكە لە رێگەی رادیۆی دەنگی وڵات-ی حزبەكەی، راگەیاند "لە سەردەمی شەڕی خەندەقەكاندا هەدەپە پشتی لە گەریلاكانی پەكەكە كرد و بەو هۆیەشەوە 60 شەڕڤانیان لە شارۆچكەی سووری دیاربەكر بە تەنیا مانەوە".

قەرەیلان وتیشی "هەدەپە پشتیوانی لە شەڕی خەندەقەكان نەكرد، بە دوودڵییەوە مامەڵەی دەكرد و بەوەش بۆچوونی خەڵكی تێكەڵ كرد".

قەرەیلان، ئاماژەی بەوەشكرد "ئەگەر هەدەپە پشتگیری شەڕی خەندەقەكانی بكردایە و ئەركەكانی بەجێ بهێنایە، ئەنجامەكە وەك ئێستا نەدەبوو".

ئەمە لەكاتێكدایە كەهەمیشە دەوڵەتی تورك هەدەپە بەوە تۆمەتباردەكات ، كەسیاسەتی پەكەكە جێبەجێ دەكات و پشتگیری پەكەكە دەكات.


PM:03:10:11/09/2019




ئه‌م بابه‌ته 256 جار خوێنراوه‌ته‌وه‌‌



زۆرترین خوێنراو‌
بابەتی پێوه‌ندار ‌