89 خۆپیشاندەری هێلەك زەردەكان دەستگیركران

89  خۆپیشاندەری هێلەك  زەردەكان دەستگیركران
مەوداپرێس-

جارێكی تر خۆپیشاندانی هێلەك زەردەكانی فەرەنسا دەستی پێكردەوەو بەم هۆیەشەوە لەسەرەتای ئەم هەفتەیە تائێستا 89كەس لەخۆپیشاندەران دەستگیر كران.

میدیاكانی فەڕەنسا بڵاویان كردەوە بەپێی زانیاریەكان،  هێزەكانی پۆلیسی فەرەنسا نزیكەی 2 هەزار كەس و بەپێی زانیاری خۆپیشاندەران نزیكەی 5 هەزار كەس لەشاری مۆنپیلیە كۆبونەتەوەو خۆپیشاندانەكە توندوتیژی و سوتاندنی ئۆتۆمبێلی پۆلیس و چەندین روداوی تری لێكەوتوەتەوە.

میدیاكان باسیان لەوەشكردووە "لە روبەڕوبونەوەكاندا پۆلیس غازی فرمێسكڕێژی بەكارهێناوە و دوكەڵ ناوچەكەی تەنیوە و 7 كەس دەستگیركراون، بەڵام هیچ بریندارێك نەكەوتوەتەوە. بەڵام كۆی گشتی ژمارەی دەستگیركراوانی هێلەك زەردەكان لە شەممەی سەرەتای ئەم هەفتەیەدا، گەیشتوەتە 89 كەس".
.
ئەمەش لەكاتێكدایە چەند مانگێكە خۆپیشاندانی هێلەك زەردەكان لە چەندین شاری فەرەنسا دژی سیاسەتەكانی حكومەتی ئەو وڵاتە بەردەوامە و هەموو شەممەیەكیش نوێ دەبێتەوەو خۆپیشاندەران داوای كەمكردنەوەی نرخی باج دەكەن.



PM:12:18:08/09/2019




ئه‌م بابه‌ته 236 جار خوێنراوه‌ته‌وه‌‌