حکومەتی هەرێم 3 مووچەی قەرزاری فەرمانبەرانی 2019 دەگەڕێنێتەوە

حکومەتی هەرێم 3 مووچەی قەرزاری فەرمانبەرانی 2019 دەگەڕێنێتەوە
مەوداپرێس-

حکومەتی هەرێمی کوردستان لە ئێستادا 3 مووجەی فەرمانبەران قەرزارە لە بارەی رێککردنەوەی مووچەشەوە، وەزیری دارایی حکومەتی هەرێم رایگەیاندوە ئەگەر داهاتی هەرێم باشبوو، موچەش رێکدەکرێتەوە.

ئاوات شێخ جەناب، وەزیری دارایی و ئابووری حکومەتی هەرێم  رایگەیاندوە " رێککردنەوەی مووچەی فەرمانبەران پەیوەندی بەداهاتەوە هەیە، ئەگەر داهاتی هەرێم باش بێت، مووچەش رێکدەکرێتەوە".

شێخ جەناب باسی لەوەشکردوە "بەڵام ئەگەر داهاتی ناوخۆی حکومەتی هەرێم خراپ بێت، بارودۆخ بەشێوەیەکی گشتی خراپ دەبێت".

ئاماژەی بەوەشکردوە "پلانمان هەیە چۆن داهاتی ناوخۆ رێکبخەینەوە، هەوڵبدەین زیادی بکەین ".

شێرکۆ میروەیس، ئەندامی پەرلەمانی عیراق لە فراکسیۆنی یەکێتی بە مەوداپرێسی راگەیاندبوو "پەرلەمانی عیراق مانگی 10 ی ئەم ساڵ گفتوگۆ لەسەر  موازەنەی بوودجەی 2020 دەکات ئەگەر تا ئەم بەروارە هەرێم و بە غدا رێکنەکەوتن ئەوا لە 2020  مووچەو شایستە داراییەکانی هەرێم دەبڕدرێت".


PM:12:30:12/08/2019




ئه‌م بابه‌ته 23456 جار خوێنراوه‌ته‌وه‌‌



زۆرترین خوێنراو‌
بابەتی پێوه‌ندار ‌