وەزارەتی پەروەردە سوپاسی دەزگاكانی راگەیاندن دەكات

وەزارەتی پەروەردە سوپاسی دەزگاكانی راگەیاندن دەكات
مەوداپرێس-


وەزارەتی پەروەردە و فێركردنی حكوومەتی هەرێمی كوردستان، روونكردنەوەیەك بڵاودەكاتەوە و تێیدا سوپاسی دەزگاكانی رگەیاندن دەكات، كە هەستیان بە بەرپرسیارێتی كردووە لە ماوەی بەڕێوەچوونی تاقیكردنەوەكان.

بە گوێرەی راگەیەندراوەكە، دەزگا راگەیاندنەكان رەچاوی باری دەروونی قوتابییان كردووە و رێز لە هەستكردن بە بەرپرسیارێتیان دەگرێت.

هەر لەو روونكردنەوەیەدا، وەزارەتی پەروەردە، رەخنە لە ناوەڕۆكی بەرنامەی "باسی رۆژ"ی كوردستان 24 دەگرێت، كە رۆژی سێشەممە، 11ی حوزەیرانی 2019 پەخشكرا و تێیدا تیشك خراوەتە سەر هەندێك لایەنی تاقیكردنەوە و كەموكوڕی دیكەی پرۆسەكە.

وەزارەتی پەروەردە رەخنە لە ناوەڕۆكی بەرنامەكە دەگرێت، كە تێیدا باس لە هەندێك كەموكوڕی تاقیكردنەوەكانی 12ی ئامادەیی كراوە، لە روونكردنەوەكەشدا دەڵێت: "قسەی مامۆستایەكی قوناغی بنەڕەتی نەوەك ئامادەیی وەرگرتووە كە هیچ پەیوەندییەكی بە ئەزموونەكانی پۆلی دوانزەی ئامادەییەوە نییە و توانای زانستی ئەو هیندە نییە كە قسە لەسەر دروستی و نادروستی ئەزموونەكان بدات".

هەر لەو روونكردنەوەیەدا ئاماژە بەوە كراوە، وەزارەتەكەیان هەمیشە دەرگای بە رووی میدیاییەكاندا واڵا بووە زۆرترین هاوكاریی میدیاكانی كردووە.

ئەوەش روونكراوەتەوە، "ئەزموونە گشتییەكان و دۆزینەوە و چارەسەری كەموكۆرییەكان تەنیا پەیوەندی بە لیژنەی باڵا لە بەڕێوەبەرایەتیی گشتیی ئەزموونەكانەوە هەیە و ئەو لیژنە باڵایە كە پسپۆڕانی هەموو پارێزگاكانی لەخۆ گرتووە، دەتوانن ڕەخنە و گلەیی و گازندەكان شیكار و لە كۆتایی پرۆسەكە وەڵام دەدەنەوە و لە چوارچێوەی ڕێنماییەكان و بە ڕەچاوكردنی ئاستی زانستی وانەكان، زۆرترین هاوكاریی قوتابی و خوێندكاران دەكریت".

لە كۆتایی روونكردنەوەكەدا، وەزارەتی پەروەردە رەخنە لە وەرگرتنی لێدوانی چەند قوتابییەك دەگرێت و دەڵێت: "وەرگرتنی قسەی چەند قوتابییەك لە نزیكەی 235 هەزار قوتابی كە لە ئەزموونەكەیاندا باش نەبوونە، بە هەند وەرناگیردرێت، لە كاتێكدا ئێمە ئامادەی هەموو هاوكارییەكمان نیشان دابوو تا لە كۆتایی تاقیكردنەوەكان و بە داتا و زانیاریی وردەوە  



PM:04:28:12/06/2019




ئه‌م بابه‌ته 192 جار خوێنراوه‌ته‌وه‌‌